Студенти развиле пасивен систем за ладење од хидрогел и керамика

Студентите на Digital Matter Intelligent Constructions од  Institute for Advanced Architecture of Catalonia во Барселона, создадоа композитен фасаден материјал од глина и хидрогел, кој е способен за ладење на внатрешноста на објектот за шест степени Целзиусови.

Материјалот наречен „хидрокерамика“ ја користи способноста на хидрогелот да апсорбира до 500 пати повеќе вода споредено со неговата сопствена тежина, и како резултат на испарувањето на водата овозможува ладење на амбиентот, но и промена на содржината на влага во околниот воздух.

Ефектот на ладење е поизразен кога во околината е топло, но во спротивно испарувањето е незначително. Преку низата тестирања, студентите откриле дека најдобар материјал во комбинација со хидрогелот за оваа намена е глината, токму благодарение на порозноста. При тестирања на температура од 35-40 степени Целзиусови, постигнато е ладење за 6,4 степени за време од 20 минути, со зголемување на влажноста на воздухот за 15,5%.

Пресметките на студентите покажуваат дека со примена на овој концепт може да се обезбеди заштеда од електрична енергија за клима уредите од 28%.