Стоковна куќа ги претвора своите гаражи и паркинг места во станови

Стоковнаta куќа John Lewis планира да изгради приближно 10 илјади станбени единици на парцели над нејзините супермаркети, како и веднаш до дистрибутивните центри. Од компанијата посочуваат дека нивните планови се засноваат на општествена одговорност и претставуваат обид да се помогне да се најде решение за недостиг од домување во Велика Британија.

“Имаме големи амбиции да изнајмиме недвижен имот со цел да се справиме со недостигот на станови на национално ниво и да ги поддржиме локалните заедници. Исто така, на овој начин, ќе се обезбедат стабилни и долгорочни приходи, нови можности за вработување на нашите партнери “, изјави за  Dezeen, Нина Батија, извршен директор на John Lewis.

Досега е прецизиран просторот за изградба на 10 илјади станбени единици на местото на сегашните места за паркирање. Засега нема познати архитектонски фирми кои ќе соработуваат со компанијата на овој проект, иако има некои индикации за лондонската компанија Acme, со која тие соработуваа на проектот на трговски центар во Лидс.

Идните станари во домот секако ќе можат да користат сопствен мебел, но исто така ќе имаат можност за изнајмување мебел од компаниите John Lewis, заедно со имотот. Тие се одлучија на овој потег затоа што веруваат дека тоа е „одржлив избор за нивните корисници“.

Имено, изнајмувањето мебел стана сè попопуларен тренд во последниве години поради зголемената популарност на економијата за споделување. Овој деловен принцип го применува и шведскиот гигант Икеа, кој го изнајмува својот мебел.