Стинг продава пентхаус во Њујорк за 56 милиони долари

Стинг и неговата сопруга Труди Стајлер, го продаваат својот пентхаус во Њујорк, и тоа на Central Park West. Станот се наоѓа на 16-ти и 17-ти кат, а го купиле во 2008 година за 27 милиони долари. Повеќе од двојната цена на сегашната продажба се образложува со фактот што брачната двојка инвестирала сериозни средства во уредување на ентериерот со дизајнерски мебел. Внатрешноста се простира на 1600 метри квадратни, со четири спални соби, модерна кујна, сауна, библиотека и камин. Терасата има површина од 120 метри квадратни.