Стилска колекција на славини на Tonino Lamborghini

Tonino Lamborghini, познат италијански бренд за додатоци, хотели и луксузни недвижнини, додаде нова колекција на стилски чешми во својата линија Lamborghini Home. Колекцијата на славини е инспирирана од модерен и иновативен стил.

Една извонредна славина од новата колекција, која особено се издвојува е Monza. Оваа славина е мала скулптура со силно тело прекриено со PVD завршна обработка. Лулата на славината и рачката направени се од карбон, што ја прави оригинален дизајнерски предмет за модерни бањи.

Произведена во соработка со Paini Spa, водечка италијанска компанија во секторот славини, овој новитет доби оригинални декоративни елементи, заедно со уникатната форма и автентичен дизајн.

Овој извонреден дизајн на славина ќе додаде модерен и иновативен стил во луксузните бањи. Уникатната форма со своите чисти и силни карактеристики ја издвојува Monza од другите луксузни славини кои се достапни на пазарот. Оваа шик славина сигурно ќе ги привлече погледите на многу елегантни сопственици на луксузни домови, кои бараат врвна опрема за својата бања.

Првите модели на Monza ќе бидат претставени на Интернационалната изложба на керамички плочки и опрема за бањи. Потоа, Monza ќе дебитира во целиот свет, а се очекува дека ќе биде применета во сите хотели Tonino Lamborghini со пет ѕвезди, како и во комерцијалните и резиденцијални проекти кои се во план за пазарот во Кина и Обединетите Арапски Емирати.