Стилизирани киосци ќе се постават на просторот до ГТЦ

На местото на четирите сендвичарници во сенката на висококатницата ЕВН/ЕЛЕМ, ќе се издигнат два стилизирани киосци кои ќе бидат наменети за продажба на сендвичи и ладни пијалаци.

На крајот од 2012 година општина Центар донесе измени во урбанистичкиот план на „Мал ринг“, со кои се предвидува поставување на 20-ина стилизирани киосци на различни места низ центарот. Две од нив ќе се издигнат на просторот до ГТЦ, неколку метри од сегашните сендвичари.

Идејното решение на стилизираните киосци е на архитектот Жарко Чаушевски. Објектите се со кружен облик, со купола и мошне мала површина. Просторот што ќе го заземаат е со површина од седум метри квадратни, а ќе бидат високи пет метри.

Овие стилизирани киосци ќе бидат наменети за продажба на сендвичи и ладни пијалоци, или за продажба на весници. Градот Скопје го изработи основниот проект за изградба на објектите, а градските власти го одбраа и идејното решение за нивниот изглед.