Стара пиварница во Прага претворена во стан во индустриски стил

Кога пиварниците веќе не се во употреба и нивниот простор треба да се претвори во станбен, тогаш на сцена се појавуваат архитектурата и дизајнот на ентериер. Чешкото студио CMS архитекти го претвори просторот на еден дел од старата чешка пиварница Холешовица во модерен и функционален стан, украсен во индустриски стил.

Станот од 120 квадратни метри, еден од четириесет во оваа зграда, се наоѓа во областа каде што некогаш бил складот.

Зградата е реконструирана во 2008 година, а само десет години подоцна студиото почна да работи на овој стан. Тоа беше прашање на взаемно задоволство, совршен клиент и совршена работа.

Ѕидот е останат во првобитната положба, при што циглите доминираа во просторот. Покрај тоа, доминантна е употребата на челик на скали, а и полиците за книги и многу детали се направени од овој материјал. Таванот е црн, а подот е изработен од бетон. Сето ова е карактеристично за индустрискиот стил, кој е совршено прилагоден на клиентот.

Целта на овој проект беше да се зачува оригиналниот индустриски карактер на просторот и да се создаде удобно и модерно место за живеење. Затоа, материјалите се останати како претходно и нивната структура остана изложена. Електричните жици се останати како дел од ентериерот, а бетонскиот под е оставен целосно ист за станот да биде максимално изложен на надворешни влијанија и на тој начин да добие автентичност.

Просторот е висок шест метри и оваа одлика е искористена за да се создаде што е можно посветол простор.

Станот има две купатила и две спални соби, голема дневна соба со пристап до стаклен атриум каде што може да се помине време.