Стар тунел во Лондон ревитализиран во простор за изведби

Тунелот на реката Темза во Лондон кој е изграден пред 172 години од страна на тогаш познатиот англиски механичар Isambard Kingdom Brunel, официјално бил затворен пред 150 години. Денес тунелот е ревитализиран како простор за изведби и настани. На овој проект работела локална фирма Tate Harmer, која воведува конзолни скали со чија помош се овозможува пристап на јавноста до една од највредните инженерски стари градби во Англија. Тие, исто така, предложиле додавање на нов јавен влез кој ќе претставува простор каде што ќе се одржуваат изведи и изложби. Преку ревитализација на ваквата структура се зголемува свеста на луѓето за важноста на ова индустриско наследство и им се овозможува да уживаат во просторот на нов повозбудлив начин.