Стапија на сила новите ЕУ правила за емисии од термоцентралите

На 17 август, во службениот гласник Европската комисија ги објави новите правила за емисија од термоенергетските постројки, кои би можеле да доведат до затворање на оние централи кои се големи загадувачи, додека на останатите ќе им биде даден рок од четири годии за усогласување. Над 3000 големи постројки за согоруваање на фосилни горива (енергетски и индустриски) во ЕУ ќе мора да се усогласат со овие правила до 2021. Во моментот се смета дека дури 82% од термоцентралите на јаглен во Европа се опфатени со оваа мерка.

Фосилните горива кои се опфатени со оваа регулатива се: јаглен, биомаса, течни горива, гас и индустриски отпад, а се работи за најдобрите достапни техники за согорување на големи постројки во согласност со Директивата 2010/75.

Се проценува дека трошоците за исполнување на новите правила за емисиите ќе надминат 15 милијарди евра, а еколошките организации со оптимизам очекуваат затворање на најголемите загадувачи.