Стан од 40 м2 во Будимпешта

Овој стан се наоѓа во Будимпешта и е дело на Suto Interior Architects, кои, со оглед на неговата релативно мала површина од околу 40 м2, имале не така лесна задача да го уредат овој простор за да ги овозможи сите основни услови за функционирање на едно младо семејство.

Еден од главните принципи по кои се воделе во проектирањето на овој ентериер, е тоа што просторите за складирање на облеката и меката покуќнина ги имаат групирано и така целиот стан е „ослободен“ од плакари и слично.

Целиот мебел во станот е изведен од материјали кои користат неутрални тонови како бела, сива и црна боја, а на одредени елементи се јавуваат јаки и свежи, топли бои како жолтата, црвената и виолетовата, со што му се дава дополнителна енергија и живост на просторот.

Во одредени простории се јавуваат тапети на кои се прикажани ликови од стрипови, со што се дава впечаток на весел простор.