Стаклен лавиринт над Медисон Сквер во Њујорк

Посетителите на Медисон Сквер во Њујорк до крајот на 2016 година ќе бидат во можност да уживаат во стаклениот лавиринт поставен над човечка висина. Инсталацијата е дизајнирана од артистот Teresita Fernandez и е долга 152 метри. Нејзината главна идеја е да создаде „превртена“ скулптура на отворено во која ќе може да се огледуваат сите пешаци кои поминуваат од тука. „Фата моргана“ како што е името на оваа инсталација, претставува оптички феномен кој ги искривува сликите на објектите во непосредна близина, со што тие стануваат целосно непрепознатливи за луѓето.