Спој на богатото автомобилско наследство и иднината

Хрватската компанија Rimac Automobili, која произведува електрични хиперавтомобили и погонски системи за електрични возила,  неодамна најави уште една важна пресвртница во својата десетгодишна историја. Имено, оваа компанија, заедно со компанијата Bugatti, која повеќе од еден век произведува луксузни спортски автомобили, ќе создадат нова компанија под името  Bugatti Rimac, и ќе ги здружат своите знаења и искуство во истражување, производство и други подрачја. Глобалното седиште на новата компанија ќе биде произвониот и истражувачко – развоен кампус Rimac, а ќе ја раководи Мате Римац.  Bugatti и Rimac го продолжуваат бизнисот како засебни брендови, задржувајќи ги постоечките производни погони и канали на дистрбуција.