Совршено уреден ресторан во Мадрид во кој доминира мермер

Сведоци сме на некои архитектонски трансформации, но ова што следи е вистинско чудо. Се работи за гаража која е претворена во луксузен и раскошно уреден ресторан наречен „Ромола“, кој се наоѓа во Мадрид. Неговата карактеристика е во тоа што во него доминира мермер, силно зелена нијанса и подеднакво енергични дополнителни елементи.

Иако на прв поглед делува како „колоритен хаос”, ресторанот во ентериерска смисла остава впечаток со својата атрактивност и величественост, и токму тоа неговите архитекти сакале да го постигнат. Иако е во прашање ресторан, тој е поделен на зони, така што помал дел е резервиран и за кафе бар. Она што исто така упаѓа во око се висечките  растенија од таванот, како и остатокот од флората што совршено се вклопува во преостанатото доминантно колоритно, веќе споменато, зеленило.