Совршен бизнис: Хрватска идеја која ги освои и Белград и Виена

Томислав Зовко и Игор Кордиќ од Загреб, изнајмуваат стари и запуштени станови, ги реновираат и ги претвораат во удобни апартмани за туристи. Тие веќе имаат оформен тим кој се грижи за сите детали – од изнајмување, чистење, одржување до обезбедувње 24-часовна помош на гостите. Првите апартмани ги отвориле уште во 2011 година во Загреб, а за неколку години преуредиле низа станови во Ровињ и Дубровник, па дури и неколку станови во Белград и Виена. Планираат до 2018 год. да имаат бројка од 1000 станови.

„Се започна кога еден стар стан во центарот на Загреб го претворивме во модерно место. Набрзо потоа, овој систем „клуч на рака“ се покажа идеален за изнајмувачите на апартмани. Ние ја преземаме недвижноста, ја реновираме, се грижиме за обезбедување гости, а на сопствениците им исплаќаме фиксен нето приход“, објаснуваат Зовко и Кордиќ, и додаваат дека досега ниту еден договор не им е откажан.

Благодарение на овој деловен модел, тие во 2014-та во Загреб го отвориле првиот интегрален хотел во Хрватска (ZigZag) кој е составен од неколку објекти на различни локации со заедничка рецепција. Во моментот само во Загреб управуваат со 60 станови, а уште осум се во фаза на реновирање.