Современо решение на приватна вила на стрмен терен

Поставена на стрмен терен во јапонскиот град Фукуока и обвиткана во дрвена фасада, се наоѓа приватна вила на четиричлено семејство. Тимот архитекти морале да се соочат со предизвикот да проектираат куќа на терен којшто е со 4 метри разлика во пресек. Во програмата на двокатниот објект е вклучена и приватна градина и рекреативен простор за децата.

Влезот е преку големиот отвор дирекно од улицата, каде што се пристапува во кујната, трпезаријата и просторијата за дневен престој. На вториот кат се наоѓа главната спална соба, на која се надоврзуваат просториите за учење на децата.