Порта3 – градежништво, архитектура и екологија Порта3 – градежништво, архитектура и екологија
Со сјајно бела фасада во складен контраст со синото небо и вода, оваа летна вила претставува разиграна верзија на традиционална грчка куќа на море.
Белата, кубична структура, проект на архитектонското биро Kapsimalis Architects, замислена е како современа верзија на традиционалните бели куќи со плави прозори кои можат да се видат ширум островот Санторини.
Куќата, едноставно наречена Summer Villa, со вкупна површина од 600 квадратни метри, архитектите ја осмислиле како синтеза од кубични бели волумени, чија меѓусебна разиграност креира бројни простори за уживање и разонода со погледи насочени кон Егејското море.
Некои ѕидови имаат истакнати отвори, кои ги врамуваат различните погледи, додека одредени структури се вкрстуваат формирајќи пролази.
На кровот и покрај самиот објект засадени се разновидни видови трева и стебла маслинки за објектод што подобро да се вклопи во опкружувањето.
Меѓутоа, главната цел на проектот била дизајнот на вилата да претставува континуитет на одтатокот на хотелот. Именом вилата е составен дел на хотелот Andronis Arcadia, кој се наоѓа на Санторини, пишува Dezeen.
Објектот е јасно поделен на три нивоа. На последното ниво е сместен апартман за гости со директен излаз на тераса за сончање.
Заедничките простори се организирани во отворен концепт и креирани преку природни тонови и материјали.
Детали во ентериерот
Мебелот во вилата е воглавном од дрво или светол текстил, додека елементи како мијалниците изведени се од природен камен, а заглавието на креветот направено е од бели керамички блокови.
На гостите на располагање им е и теретана, која има и спа соба, а на пространата тераса каде е сместен и базенот се наоѓаат мноштво кревети и лежалки за потполно уживање.
