Современ паркинг за 80 возила во Кавадарци

Интензивно се гради првиот модуларен паркинг во Кавадарци, информираше кавадаречкиот градоначаник Александар Панов.
„Станува збор за нов современ паркинг за 80 возила. Кавадаречкиот модуларен паркинг е втор од ваков тип во Македонија, по оној во општина Центар во Скопје. Се работи за површина од 1.100 метри квадратни во строгото градско подрачје, над паркот кај полицијата и е на две нивоа. Инвестицијата од 30 милиони денари е наша, сите средства се од буџетот на општина Кавадарци“, рече градоначалникот.
Со ова Кавадарци всушност го започнува процесот на решавање на дивото паркирање. Исто така, ќе стартува зонското платено паркирање, ќе се воведе јавно-приватно партнерство во оваа, важна сфера од градското урбано живеење, а граѓаните мора да се навикнуваат и да плаќаат за паркирање.