SOM го претстави проектот за новото седиште на Alibaba во Шангај

Skidmore, Owings & Merrill (SOM) го претстави својот проект за новото седиште на водечката глобална технолошка компанија Alibaba во шангајската област Xuhui во Кина.

Наликувајќи на „облак“, шемата, направена од меѓусебно поврзани кубични волумени, го симболизира извонредното дигитално присуство на Alibaba во облакот и променливото небо на иновации на технолошката индустрија.

Основана во 1999 година, Alibaba е кинеска мултинационална технолошка компанија специјализирана за е-трговија, услуги за компјутерски cloud, дигитални медиуми, забава и иновации.

Седиштето од 75.000 квадратни метри ќе овозможи брзо проширување на мултинационалниот тим на Alibaba со висококвалитетни дизајнерски карактеристики. Зградата дава приоритет на флексибилноста и здравите работни навики за своите вработени.

Објектот во голема мера го проширува кампусот на Alibaba во Шангај. По завршувањето, зградата ќе има работни простори внатре и на отворено кои поддржуваат хибридна работа и динамични и колаборативни структури на тимовите.

Канцелариските простори се поддржани со инфраструктура на паметна технологија и биофилни карактеристики на дизајнот, со цел да се подобрат придобивките за вработените, вклучувајќи природна вентилација, тераси и зелени кровови.

Зградата се заснова на препознатлив, модуларен дизајн за да стане многу ефикасна и флексибилна со текот на времето, овозможувајќи пространи простори со голем распон и низа затворени области за различна распореденост на работните делови.

„Единствената константа е промената, е еден од водечките принципи на Alibaba“, вели партнерот на SOM, Скот Данкан.

„Го земавме при срце овој етос, проектирајќи работно место што е способно да се развива и да се приспособува на новите потреби, на тимовите и технологиите со текот на времето“, додава Данкан.

Во центарот на објектот, има внатрешен двор кој станува централна локација за програмирање и здружување.

Долж надворешниот периметар, просторите за соработка и за собирање неприметно се прошируваат на терасите на отворено, обезбедувајќи пристап до природата, свежиот воздух и погледот на реката Хуангпу, која се пробива низ срцето на градот.

Оптимизираната структура со долг распон овозможува внатрешен простор без столбови за крајна флексибилност додека тимовите се шират, собираат и се преклопуваат.

Тимот на ЅОМ, исто така, проектира „мостови за соработка“ и скали за комуникација кои создаваат места за помали размени и врски помеѓу поединечни членови на тимот.

Фасадата на објектот има за цел да обезбеди високи перформанси за пренасочување до 40 отсто од сончевата топлинска енергија и минимизирање на отсјајот и аеротунелите за корисниците на терасите.

Како што нагласи SOM, се планира објектот да има природна вентилација, со паметни системи кои кружат свеж воздух и ги намалуваат потребите за ладење во суптропската клима на Шангај.

Умереноста на температурата е дополнително овозможена со систем за засенчување, контролиран со вештачка интелигенција, кој реагира на движењето на сонцето и го ублажува зголемувањето на топлината, дополнително подобрувајќи ги перформансите на зградата. На врвот на зградата, кровните градини ќе собираат дождовница.

Проектирано да ги надмине барањата за LEED v4 и China Green Star, новото седиште е насочено и кон ниско отелотворување и оперативен јаглерод.