Соларни венецијанери

Летното сонце може да биде голем проблем доколку прозорците не се опремени со некој вид на заштита – ролетни, венецијанери и сл. Vincent Gerkens оди и еден чекор подалеку во дизајнот на овие заштитни прегради и им додава уште една функција – да произведуваат електрична енергија.

Тој дизајнирал венецијанери кои од едната страна се прекриени со соларни панели, а од другата страна со електролуминисцентна фолија. Во текот на сончевите денови, венецијанерите акумулираат енергија која во текот на ноќта се користи за осветлување. Vincent своите венецијанери ги нарекол “Blight” како комбинација од зборовите “blind” (венецијанер) и “light” (светло).