Порта3 – градежништво, архитектура и екологија Порта3 – градежништво, архитектура и екологија
Во Нова Каледонија, архипелаг во Тихиот Океан, почна изградбата на соларна централа во облик на срце која сигурно ќе биде најубава на светот. Оваа централа со моќност од 2 MW официјално ќе биде пуштена во работа на почетокот на следната година и ќе произведува електрична енергија која ќе може да снабдува 750 домаќинства.
Се очекува да биде во погон во наредните 25 години, а за тоа време ќе оствари редукција на емисиите на јаглероден диоксид од два милиони тони. Централата ќе се вика „Срцето на Нова Каледонија“ и ќе биде сместена на најголемиот остров од архипелагот. Ќе се состои од 7.888 фотоволтаични модули со интересен распоред во форма на срце кој ќе може да се види само од височина.
