Соларен велосипед од Данска

Здравиот живот и намалувањето на загадувањето на животната средина се само некои од предностите од користењето на велосипедот како превозно средство. Овие предности го поттикнале и Eric Jaffe од Данска да го промовира својот концепт на соларен велосипед. Велосипедот содржи мал електромотор и батерии.

Батериите се полнат преку соларните ќелии монтирани на тркалата. Конструкторот на овој велосипед тврди дека со едно полнење на батеријата може да се поминат околу 70 km, а неговата стандардна брзина е околу 25 km/h. Соларниот велосипед е конструиран така што и под сенка е возможно полнење на батериите.