Соларен бршлен на ѕидовите од Универзитетот Јута

Соларните фотоволтаици добија уште една нова форма. Овој пат како листови од бршлен кои можат многу едноставно да се постават на кој било ѕид. Првата локација каде ќе биде инсталиран овој нов концепт е Универзитетот Јута во Солт Лејк Сити. Новиот производ го развила компанијата Sustainably Minded Interactive Technology (SMIT) од Њујорк, а Универзитетот Јута е избран поради програмата со која се кофинансираат одржливите проекти. Системот „Solar Ivy“ се состои од мали фотоволтаични модули подредени во различна формација, па навистина изгледаат како бршлен кој расте по ѕидовите на зградата. Фотоволтаиците произведуваат електрична енергија која потоа се користи во самата зграда.