Со велосипед од бамбус против стереотипите

Кинеска студентка создаде нов вид велосипед изработен од бамбус. Целиот проект од идеја до реализација е нејзино дело.

Оваа девојка која има само 17 години, во својот проектен концепт останала верна на кинеската традиција – велосипедот како традиционално превозно средство за Кинезите, но облагородено со придобивките на одржливиот развој како девиза на модерното време.

„Велосипедот не е само превозно средство, тој е културно наследство. Кога моите родители биле млади во Пекинг секој возел велосипед и тоа било луксуз. Ако некој имал велосипед тоа навистина било луксуз“, вели студентката и претприемачка Габриела Лиу, која заедно со Стивен Нго е косопстевик на старт-ап компанијата Бамбу Бајкс Бејџинг. Со ова таа сака да ги промени работите и од велосипедот да ја симне етикетата „превозно средство за сиромашни“. Денес тоа е превозно средство за еколошки освестените.