Со трчање го „нацртал“ ликот на славната сликарка

Американецот Лени Моган од Сан Франциско отишол чекор подалеку во следење на рутите за трчање.
Тој трча по рути кои ги креира во форма на цртежи на мапата и така ги претвора во еден вид уметност.

Црта од едноставни работи како срце, до најкомпликувани како што е лицето на сликарката Фрида Кало.

„Не планирав да се занимавам со ова, но кога апликациите за следење на трчањето станаа популарни, почнав да гледам форми на своите мапи за трчање. Тука почнува целата приказна. Посакав мапата да биде оригинална и различна“, рекол Моган за Гардијан.
Истакнува дека цртежот на Фрида Кало изискувал скоро 47 километри и околу шест часа трчање.