Со мониторинг на потрошувачката на енергија до сериозни заштеди

Со воведување системи за мониторинг и управување на потрошувачката на електрична енергија, домашните компании очекуваат да постигнат заштеди и до 30%, и значително да ја подобрат конкурентноста.

Имплементацијата  на системите се врши во рамките на проектот за индустриски менаџмент на УСАИД, од каде покриваат 50 проценти од трошоците, односно до 20.000 долари по компанија. Предвидена е поддршка на 17 компании. Преку проектот за индустриски менаџмент се организираат и работилници со објаснувања за начелата и принципите на меѓународниот стандард ИСО 50001.