Со либерализацијата до 40% поевтина струја за малите компании

Следната фаза од процесот на либерализација во Македонија, што ги опфаќа малите компании, ќе донесе пониски цени на сметките за потрошена електрична енергија до 40%, сметаат од Energy Delivery Solutions (ЕДС).
Најголема заштеда од 40% ќе има кај оние приклучени на втор тарифен степен, а просечното намалување на сметките ќе биде од 25% до 30%.
Во оваа фаза од либерализацијата, која треба да почне од први септември, ќе бидат опфатени меѓу 15.000 и 20.000 компании.
„Бенефит има за компаниите, а тоа го покажуваат и сметките што веќе ги добија и кај сите покажуваат намалување“, изјави Кочо Анѓушев, сопственик на ЕДС.
Тој истакна дека главните ризици за поскапување на електричната енергија се поплавениот рудник за јаглен Колубара во Србија, и кризата во Украина од каде целиот регион се снабдува со струја.