Словенија ја субвенционира изградбата на батериски системи во склоп на соларните електрани

Словенечкиот „Еко фонд“ на крајот од декември минатата година објави јавен повик за доделување на субвенции за соларни електрани за сопствена потрошувачка, кој носи и некои промени. Имено, покрај пониските субвенции по kW инсталирана моќност, главната новина кај овој повик се неповратните средства за фотонапонски електрани со батериски систем за складирање на енергијата. Повикот енаменет за домаќинствата и малите компании. Притоа, на располагање се 10 милиони евра неповратни средства. За фотонапонска електрана и батериски систем за складирање, субвенцијата ќе биде 500 евра за 1 kW инсталирана моќност, но не повеќе од 25% од прифатливите инвестициски трошоци. Освен тоа, мора да биде исполнет и дополнителен услов. Имено, пропишан е минималниот складишен капацитет (во KWh), во вредност од 0,7h од инсталираниот капацитет. На пример, електрана од 13 kW мора да има батериски систем со складишен капацитет од најмалку 9,1 kWh (0,7 h x 13 kW).

Од друга страна, доколку некој се одлучи за псотавување само фотонапонска електрана без батерија, субвенциите се значително пониски од претходно. Овој вид субвенции сега е само 50 евра за секој kW инсталирана моќност, но не повеќе од 25% од оправданите инвестициски трошоци. Само заради споредба, претходно висината на оваа субвенција беше 180 евра/kW.