Славниот Банкси со мурали во Париз посветени на мигрантите

Британскиот цртач на графити, наречен Банкси ги наслика ѕидовите на Париз со мурали посветени на мигрантите во моментот додека европските челници се спорат околу тоа како да ги згрижат мигрантите.

Муралите почнаа да се појавуваат минатата среда по повод Меѓународниот ден на бегалците, а некои од муралите веќе се вандализирани.

Еден мурал, на улица во северен Париз каде мигрантите спијат на отворено, прикажува црно девојче како со спреј исцртува розев примерок преку фашистичкиот симбол, кукаст крст. Сликата потоа намерно е прецртана за да изгледа како девојчето да го црта кукастиот крст.

Останатите мурали се типични за Банкси и прикажуваат, на пример, стаорец кој е вообичаен во други негови дела, но во овој случај како лета на тапа од шише шампањ.

Банкси, чив идентитет не е познат, познат е по графити, вклучувајќи ги и оние на израелската ограда на Западниот брег и Дизниленд каде насликал лик на затвореник од Гвантанамо во вистинска големина.

Уметникот е од англискиот град Бристол, а неговите дела стануваат мошне вредни. Француските власти поставија заштитно стакло на неговата слика на основачот на Apple Стив Џобс, претставен како избеглица на ѕидот на мигрантскиот камп Calaisu 2015.