Скулптурален и иконичен облакодер во Ванкувер на Кенго Кума

Јапонското архитектонско биро Kengo Kuma & Associates (KKAA) го заврши облакодерот во Ванкувер, Канада, со заоблен облик и полузатворен амфитеатар во подножјето.

Наречен  од Кенго Кума Alberni, станбениот облакодер со 43 ката се наоѓа во центарот на Ванкувер, во близина на брегот во населбата Coal Harbor.

Неговата заоблена структура има маса што лачно се оддалечува од улицата додека се крева и исправа при врвот.

Бирото оваа форма ја опишало како „Boolean scoops“, кои се вклучени за да се зачуваат погледите на постоечките згради во блокот и внесе светлина во становите подлабоко во облакодерот.

Кривата исто така овозможува секој стан да има вдлабнат балкон и воздухот да струи низ зградата.

„Резултатот е скулптурален и иконичен, препознатлив на хоризонтот, но исто така произлегува од соседски и искуствени причини“, изјави за Dezeen основачот на бирото Кенго Кума.

Бочните и горните страни на конструкцијата се обложени со стакло и алуминиумски панели, додека становите во рамките на „scoops“ имаат долги балкони со дрвени детали.

Панелите се слоевити на различни начини преку фасадата, создавајќи текстуриран визуелен модел.

Според KKAA, облакодерот е проектиран да одговори на хоризонтот на Ванкувер, кој е познат по густиот збир на облакодери обложени со стакло.

„Уедначеноста на материјалноста на облакодерот во Ванкувер е и неговата сила – карактеристичен, единствен градски пејзаж – и неговата можност да пружи нешто различно“, вели Кума.

„Нашите одлуки помалку беа директна реакција на сеприсутното стакло, а повеќе намера да создадеме кула чија висока маса е направена од помали парчиња, држејќи се до царството на метал и дрво“, продолжи тој.

„Кулата не користи стакло како материјал што ја дефинира масата, туку повеќе како практичен ограден простор – односно, за дизајнот, стаклото концептуално ‘не постои’“.

Конструктивните греди што се протегаат по фасадата се протегаат преку влезниот масив и се поврзуваат со теренот, формирајќи затворен простор каде што се создадени амфитеатар и градина со мов.

Дрвото што ги дефинираат долгите балкони продолжува надолу и дополнително ја штити полузатворената област.

Во рамките на амфитеатарот е клавир дизајниран од Кума, заеднички елемент вклучен во сите проекти спроведени од локалниот клиент Westbank,, кој го предводеше проектот Alberni.

Според Кума, полузатворениот простор треба да функционира како влезно лоби за зградата. Серија столбови преслечени со огледало го пресекуваат отворениот простор.

„Наместо затворен простор, влезот е облак од тенки, лесни елементи кои лебдат над просторот за изведба“, рече Кума.

Над амфитеатарот и над просторот на внатрешниот базен се наоѓа висечка скулптура која наликува на кигуми, дело од јапонска дрвена столарија. Поради противпожарните прописи, скулптурата е направена од алуминиум, обработен за да изгледа како дрво.

Ентериерите на јавните простори се минимални, со детали од камен и дрво кои се однесуваат на надворешноста на кулата. Содржините вклучуваат гореспоменатиот базен и музичка соба со избор на плочи и звучници вградени во ѕидовите обложени со плута. Во кулата ќе биде отворен и јапонски ресторан

Кума изјави дека структурата е во склад со голем дел од неговата претходна работа што покажува како големи згради може да се направат од серија „помали парчиња“.

„Нашиот интерес е во односите со околината, а не само во самите работи, а повеќе помали парчиња сугерираат попорозен однос, за разлика од потешките, цврсти волумени, со местото преку погледите, воздухот, светлината“, вели Кума.

„За нас, зградата не е самостоен објект, туку серија односи овозможени со архитектонски дејства, продолжи тој. „Некои гледаат зграда; ние гледаме врски и активности“.