Скандинавска естетика која освојува на прв поглед

Специфичната скандинавска естетика на минимализмот останува еден од главните трендови во дизајнот на ентериерот. Уште еден проект што тоа го докажува е пронајден во Сан Франциско, во областа на заливот. Резиденцијата има наслов Sausalito Outlook, и е дизајнирана од дизајнери и архитекти од Feldman Architecture, а по барање на пензиониран брачен пар.

Имено, тие одлучиле да се преселат од Азија, а на дизајнерите им изнесле неколку клучни насоки; куќата мора да има голем прилив на природна светлина, таа не смее да има премногу излишни елементи, а мора да има доволно полици за нивната огромна колекција на книги и плочи. Од куќата се простира прекрасен поглед на заливот и е совршен за дружење со семејството или пријателите, како и за градински забави. Бојата која доминира во внатрешноста е бела, но во деталите може да се најдат нијанси на поизразени бои, како црвена или портокалова боја.