Скандинавците секогаш се најсреќните луѓе на светот

Секогаш кога се прават некои списоци на народи за среќа и благосостојба или само општо задоволство од сопствениот живот  – Скандинавците „победуваат“. Јасно е и зошто кога ќе ги погледнете моментите од нивното секојдневие во кои толку се разликуваат од нас.

Земјите како Норвешка, Данска, Финска, Шведска отсекогаш биле во првите десет во Светскиот извештај за среќа, уште од првиот пат објавен во 2013 година. Bright Side издвои неколку причини.

БАЛАНСОТ Е СУШТИНСКИ

Скандинавците не се стремат да станат милијардери, не се грижат за тоа како „наредната година во ова време“, туку се трудат да постигнат рамнотежа во сегашноста. Знаат да бидат ефикасни на работа и да уживаат во неа, но во исто време поминуваат многу време со семејството и пријателите и во своите страсти и хоби.

Во согласност со оваа потреба за рамнотежа меѓу работата и животот, работните услови честопати се пофлексибилни и поповолни отколку во остатокот од светот.

Во Данска луѓето работат во просек по 37 часа неделно, а вообичаено е да комбинираат канцелариска работа и далечинско работење. Тие имаат право на пет недели платено отсуство годишно, како и право на „платено отсуство поради стрес“ кога деловните обврски или врски влијаат на нивното ментално здравје.

Вработените во Финска се прилично флексибилни со работното време, па можат да го закажат денот според нивните потреби, а во Норвешка, на пример, вработените кои се разболуваат добиваат до три недели платено боледување.

ВРЕМЕ ВО ПРИРОДА

Поминувањето време на отворено позитивно влијае на физичкото и менталното здравје, а Скандинавците уживаат во природата дури и при ниски температури. „Нема лошо време, има само лоша облека“, е нивната поговорка.

Дури и компаниите ги поттикнуваат своите вработени да вежбаат и да поминуваат време на отворено, па во некои случаи сметаат на „пауза“ во природа и во работно време.

РОДИТЕЛСКА ПОДДРШКА

Новите мајки во Исланд имаат девет месеци платено отсуство, а татковците три месеци.

Во Шведска на младите родители им се даваат до 480 слободни денови, а надоместокот е 80 отсто од нивната плата. Додека децата не наполнат осум години, мајките можат дури да го намалат работното време на 25 отсто и да добиваат детски додаток додека детето не наполни 16 години.

БЕСПЛАТНО ЗДРАВСТВО И ОБРАЗОВАНИЕ

Во многу земји, луѓето трошат многу пари на здравствени услуги или образование. Во нордиските земји е бесплатно.

Посебна поддршка се обезбедува и за невработените. Имаат осигурување за невработеност и детска поддршка, а им се нудат и места во различни програми за работно искуство.

ТИЕ ИМ ВЕРУВААТ НА ЛУЃЕТО

Луѓето во скандинавските земји си веруваат едни на други, се чесни и се грижат за општото добро. Со таков поглед на животот, сигурно имаат помалку стравови и стрес. На пример, луѓето од скандинавските земји веруваат дека нивниот изгубен паричник ќе биде вратен повеќе отколку луѓето од земјите кои се пониско рангирани во Светскиот извештај за среќа.

Нордиските земји имаат и помала стапка на криминал, па луѓето се чувствуваат побезбедни.