Со систем за управување со енергијата заштеди од 15%

На 23 ноември во Скопје се одржа презентација на постигнатите резултати од имплементацијата на системи за управување со енергија во индустриските капацитети во Македонија, како завршен настан во рамките на четиригодишниот проект под покровителство на УСАИД. Како што изјавија директорот на Канцеларијата за развој при Мисијата на УСАИД во Македонија Едвард Гонзалез и директорот на проектот Драган Блажев, рационалното користење на енергијата ги намалува трошоците, овозможува поголем профит и конкурентност, но придонесува и за подобар имиџ на фирмите.

Интерес за воведување вакви системи има кај многу македонски компании, и првично 50 компании се пријавиле и покажале интерес за учество во проектот, но само 17 од нив останале посветени до крај во имплементирањето на систем за управување со енергија.