Сигурна и чиста енергија – кој пат ќе го изберат земјите од ЈИ Европа

Југоисточна Европа е на крстопат. Планирано е во наредните 10 години да се вложат 30 милијарди евра во регионални енергетски проекти. Од одлуките што ќе ги донесат владите на овие земји ќе зависи енергетската иднина на регионот и квалитетот на животната средина. Во рамките на проектот SEE SEP, чии земји членки се: Албанија, БиХ, Хрватска, Косово, Македонија, Црна Гора и Србија, направено е согледување на состојбата со енергетскиот сектор во овие земји, како и соодветни споредби со земјите од ЕУ. Најважните резултати се прикажани на следниот линк http://seechangenetwork.org/index.php/publications/warm-safe-clean-energy-which-path-are-the-see-countries-taking.html, а во анализата се опфатени повеќе критериуми како енергетски загуби, енергетски интензитет, енергетска корупција и сл. Според сите параметри, состојбата во регионот е мошне лоша.