Швајцарија забранува продажба на „фризираните“ Фолксвагени

Одлуката за привремена забрана на продажбата на возила од групата Volkswagen, опремени со спорниот софтвер кој ги лажира податоците за емисијата на штетни гасови за време на еко-тестот, во Швајцарија стапи на сила на 5ти октомври, соопшти Здружението за патишта (OFROU).

Оваа мерка се однесува на возилата од марките „Ауди“, „Сеат“, Шкода“ и „Фолксваген“ произведени во периодот од 2009 до 2014 година, во категоријата „Еуро 5“ и со дизел мотори во верзија од 1,2 литри, 1,6 и 2,0 литри. Компанијата AMAG,  најголемиот увозник на VW во Швајцарија објави дека со аферата во таа земја погодени се 129.000 автомобили.