Швајцарија со светски рекорд по должина на патнички воз

Швајцарската железничка компанија Rhaetian Railway објави дека поставила светски рекорд – најдолг патнички воз кој минал низ една од најспектакуларните пруги низ Алпите. Возот е долг 1,9 километри и се состои од 100 вагони и четири локомотиви. Тој минал низ рутата од Преда до Бергин која уште во 2008 година е впишана на листата на светско наследство на УНЕСКО.

Таа пруга се состои од 22 тунели и 48 мостови, вклучувајќи го познатиот Landwasser виадукт. Патувањето долж рутата од 25 километри траело еден час. Љубителите на возови стрпливо с енаредија покрај оваа траса з ада го овековечат патувањето. Директорот на железницата Renato Fasciati, рекол дека целта на овој рекорд е да се истакне швајцарската инженерска извонредност и да се прослави 175 години од швајцарската железница.