Швајцарија: Сите функционери ќе мора да патуваат со воз, наместо со авион

Швајцарската влада одлучила сите функционери на федерално ниво во иднина задолжително да патуваат со воз наместо со авион. Како што се истакнува во соопштението за јавноста, ваквата одлука е во согласност со намерата до 2030 година да се намали емисијата ан јаглерод диоксид за 30%, и да се инсистира на користење на „зелена“ енергија. Во истото соопштение вклучен е и попис на градовите во кои од 1-ви јули сите федерални функционери ќе мораат да патуваат со воз, а меѓу останатите станува збор за Париз, Фиренца, Лајпциг и Салцбург.