Што се случува кога ќе се спојат геометрија, архитектура и врвнo слаткарство?

Динара Каско повторно воодушевува.

Украинката Динара Каско дипломирала на Архитектонскиот факултет, а едно време работела и како фотограф, но сите патишта ја однеле во слаткарството.

Но, во целиот тој процес, таа одлучила своите колачи да ги третира како мини макети и модели, кадешто се нагласени геометријата, моделирањето и високата прецизност.

Нејзината цел била на совршен начин да ги комбинира архитектурата и слаткарството, и во тоа таа дефинитивно успеала.

Нејзиниот израз и користење на техника ги воодушевува сите, а таа сега ги претстави своите последни дела.

„Сакав да направам нешто ново, свежо, како и да експериментирам со нови идеи”, објаснува Каско. Инаку, таа редовно ги споделува своите релизации на нејзиниот Инстаграм, каде што ја следат над 450.000 луѓе.