Шатор во кој секој би сакал да кампува

Британската компанија Hanging Tent го претстави својот нов проект наречен Roomoon. Тоа е пренослив, издржлив и прекрасен шатор кој може лесно да се постави и да виси на гранка или крошна од дрво. Овие шатори се рачно изработени и може да содржат разни модификации во зависност од желбите на купувачите. Дизајнерот Руфус Мартин работел на развојот на овој модел на шатор Roomoon, кој сега е достапен низ целиот свет.

Шаторот е направена од тенко и издржливо платно, а неговиот дизајн овозможува целосно да биде отворен кон природата, додека малите прозорци внесуваат светлина и свеж воздух во овој шармантен ентериер. Рамката е направена од неʼрѓосувачки челик, а е дизајниран така што може лесно да се носи на кампувања, патувања и фестивали. За 3.500 фунти колку што изнесува неговата цена, се добиваат перници, светилки и простирки.