Шармот на Сардинија

Ло Стацо е селска куќа на Сардинија со совршен изглед и една од оние што бараат да бидат откриени одблизу.

Вилата се наоѓа на само неколку минути од Порт Церво, приморско одморалиште на северниот дел на островот. Локацијата обезбедува голем степен на приватност, но истовремено и едноставен пристап до околината.

Прекрасните архитектонски дела од камен, дрво и стакло со уреден парк од 4.000 метри квадратни, ја дефинираат оваа вила за одмор. Базенот и џакузито ја исполнуваат сликата на ова прекрасно место за бег од цивилизацијата. Сè изгледа природно, смирено…

Големината на изградениот простор е 300 метри квадратни, со пет спални соби, дневен престој, трпезарија и кујна. Сепак, централното место е терасата за јадење и одмор.

Ентериерот на вилата е исклучителен, во шармантно рустикален стил.

А ако сте заинетересирани за изнајмување на овој рајски комплекс, селска куќа со висок животен стандард, тоа е можно за цена од 1.371 до 2.743 долари по ноќ во зависност од сезоната.