Седиштето на Обединетите Нации во Њујорк како збирка на уметничко богатство

Седиштето на Обединетите Нации (ОН) во речиси осум децении има собрано бројни уметнички дела и е дом на малку позната но драгоцена збрирка. Во зградата на East River во Њујорк, се наоѓаат речиси 400 уметнички дела, кои таму стигнале како донација од 150 меѓу 193-те земји членки.

Некои од нив можат да се видат во туристичките обиколки на зградата на ОН. Тие ги прикажуваат историските настани, уметничките трендови и посебностите на земјите донатори, од кои некои како на пример поранешна Југославија, Источна Германија или Советскиот Сојуз престанаа да постојат.  Меѓу најспектакуларните дела е „Војна и мир“, два мурали кои ги врамуваат вратите на салата на Општото собрание, од бразилскиот уметник Candidо Portinari. На влезот во салата делегатите гледаат слика во војна и очај, а на излезот го гледаат светот во мир и хармонија, што е алегорија на темелната цел на ОН – решавање на судирите со дијалог.

Во 1964 година, Шагал лично го доставил до ОН својот витраж „Прозорци на мирот“, дело кое во меѓувреме е оштетено, но никој не знае како. Тоа е дел од збирката која во ОН е составена по загинувањето на генералниот секретар на ОН Hammarskjold и 15-те вработени во ОН во авионската несреќа на нивниот пат за мировни преговори во тогашен Заир во 1961 година.  Почитта и воодушевувањето на вајарот Henry Moor кон Hammarskjold, го мотивирало уметникот да ја донира својата  „Лежечка фигура“ која е изложена во градините на ОН.

Монументалната брознена скулптура на американската уметница Barbarа Hepworth се истакнува пред влезот во ОН. Во опкружувањето на зградата се наоѓа и  „Споменик на мирот“, дело на хрватскиот вајар Антун Аугустинчиќ.  Висок е 5,5 метри, тежок пет тони, и стои на постамент од 10 метри изработен од брачки камен.

Меѓу останатите има и дела од злато од Саудиска Арабија и Бахреин, африкански скулптури, голема кинеска вазна и голем персиски тепих со грешка во ткаењето, а збирката ја збогатува и мебел од светски познати дизајнери. Една украинска таписерија ги прикажува ужасите на катастрофата во Чернобил. Тука е и склулптурата „Доброто го победува злото“, донација од Советскиот сојуз. Го прикажува Јуриј (Георгиј) како го убива змејот и во целост е изработена од куќишта од нуклеарна муниција.

Репликата на славната „Герника“ на Пикасо, ги дочекува делегациите на влезот во просторијата на Советот за безбедност и претставува постојан потсетник на ужасите на војната. Таа е во сопственост на семејството Rockefeller, и е позајмена на ОН. Било која земја може да донира уметничко дело, а единствен услов е да не биде навредливо. Не смее да навреди некоја земја членка и мора да зборува со позитивен јазик кон сите.