Се продава станот на Џоан Колинс

Станот на познатата холивудска дива Џоан Колинс, што се наоѓа меѓу Западен Холивуд и Беверли Хилс е ставен на продажба.

Актерската легенда го купила во 2007 година, во вредност од 2,7 милиони, а сега се  продава по цена од пет милиони долари. Првобитно изграден во 1965 година, овој стан има околу 500 м2, две спални соби и три бањи, и прекрасни зелени мермерни плочки во комбинираниот простор од дневна соба и трпезарија.

Прозорците од подот до таванот обезбедуваат можност за уживање во панорамскиот поглед на луксузниот дел на градот, скапите вили и стрмните падини над Сансет Стрип.

Исто така, во рамките на овој стан е infiniti кровен базен, со што се добива уште полуксузен впечаток. Многу познати личности живеат во зградите каде што се наоѓа станот, како што се Шер, Линдзи Лохан и Метју Пери.