Се отвора најдолгиот тунел на светот

Утре (1 јуни), во Швајцарија ќе биде отворен најдолгиот тунел на светот наречен „Готард“, кој ќе минува низ срцето на швајцарските Алпи. Тунелот е долг 57 километри, чинел 12 милијарди швајцарски франци, а во изградбата биле ангажирани 2.400 работници.

Сега патувањето со воз од Цирих до Милано ќе трае два часа и 40 минути. Тунелот „Готард“ според својата должина го престигнува јапонскиот тунел Сеикан, кој со 53,9 километри досега беше најдолг на светот.

Идејата за изградба на ваков тунел датира уште од 1947 година. Се работело за еден визионерски проект на швајцарскиот инженер Карл Едуард Грунер, за кој самиот тој изјавил дека е возможно да се реализира на почетокот на 21виот век.

Изградбата официјално започнала во 1999 година со многу бирократски и финансиски проблеми и загриженост во врска со одржливоста на проектот. Во 1998 година граѓаните на Швајцарија преку референдум одлучиле за изградбата на тунелот.