Порта3 – градежништво, архитектура и екологија Порта3 – градежништво, архитектура и екологија
Под наслов „Awwal Bait“, што во превод значи „Прва куќа“ и со сет дизајниран од OMA/Iyad Alsaka и Kaveh Dabiri, во Џеда беше инаугурирано првото издание на Исламското биенале, организирано од фондацијата „Diriyah Biennale“. Уметничките дела се изложени на повеќе од 120.000 квадратни метри изложбен простор, зафаќајќи го западниот Хаџ терминал, дизајниран од Skidmore, Owings & Merrill (SOM) и добитникот на наградата Ага Кан во 1983 година.
Партнерот на ОМА, Ијад Алсака, изјави дека биеналето е можност „да се открие и проучува исламската култура. Изложени се повеќе од 200 антички предмети, од кои некои никогаш не биле видени од пошироката јавност. Покрај тоа, има и современи уметнички дела на уметници од Саудиска Арабија и други земји од Блискиот Исток и Северна Африка до земји како Велика Британија и Јужна Африка, давајќи им нова димензија на безвременските исламски ритуали“.
Изложбата истражува како најсветите места на исламот – Мека, дестинацијата на годишниот аџилак и Медина, погребното место на пророкот Мохамед – ги инспирираат муслиманите ширум светот да создадат чувство на припадност дома, внесувајќи единство во плуралниот свет.
Проектот е прва изградба на ОМА во Саудиска Арабија. Достигнувањата на ОМА на Блискиот Исток вклучуваат и други попознати проекти како што се Националната библиотека на Катар, седиштето на Фондацијата Катар и Авенијата Алсеркал во Дубаи. Тинк-тенкот на ОМА, објави опширно за брзата урбанизација на регионот во два специјални изданија на списанието Volume, Al Manakh (2007) и Al Manakh: Gulf Continued (2010).
Првото издание на Биеналето на исламските уметности обединува мешавина од антички артефакти и современи уметнички дела, изложени на повеќе од 120.000 квадратни метри изложбени простори, кои го окупираат западниот хаџ терминал.
Сценографијата предложена од ОМА го дели изложбениот простор на два комплементарни дела и тоа:
(1) Изложбената поставка низ низа новоизградени галерии им овозможува на посетителите прогресивно чувство на ориентација додека се движат од соба во соба. Инспирирани од концептот на Кибла (правецот со кој се соочуваат муслиманите кога се молат), експонатите постепено се расплетуваат на патување од темнината кон светлината, почнувајќи во слабо осветлена просторија исполнета со астролаби од 17 век (кои се користат за пресметување на Кибла) и завршувајќи во во прозрачниот простор е сместена инсталација која ја вклучува Првата арапска порта на Каба во Мека, поставена за време на владеењето на кралот Абдул Азиз.
(2) Под терминалот, пустинскиот пејзаж алудира на патувањето хиџра: патувањето на пророкот Мухамед од Мека до Медина. Изградени се коси падини и ѕидови со различни висини, распоредени во однос на геометријата на постоечката структура, за да се прикажат уметничките дела, создавајќи чувство на истражување во текот на целата посета. Два самостојни павилјони делуваат како знаменитости на отворениот пејзаж, прикажувајќи артефакти од Мека и Медина. За разлика од интензивната атмосфера надвор, експонатите во двата павилјона се вградени во светла, воздушеста структура што се обвива околу периметарот на ѕидовите.
Надвор од темата на Биеналето, посебната галерија наречена АлМадар, или Орбита, содржи предмети од дванаесет локални и меѓународни институции, вклучително и кувајтската колекција на исламска уметност Ал Сабах, заедно со изложба во која се оддава почит на терминалот Хаџ, каде и двете ја слават својата 40-годишнина.
