Се гради најдолгиот далекувод во светот

Британскиот енергетски гигант National Grid и норвешката компанија Statnett SF ќе изградат далекувод долг 740 километри, од кои 730 километри се протегаат под морето. Инвестицијата вреди 1,5 милијарди евра.

Велика Британија и Норвешка се договорија значително да ја интензивираат енергетската соработка преку овој проект за изградба на најдолгиот далекувод. Во изградбата ќе се искористи вкупно 1.450 километри кабел, испорачан од страна на компаниите Prysmian и Nexans. Капацитетот на далекуводот е проектиран на 1400 MW.

Со овој проект енергетската соработка помеѓу двете земји ќе стане поефикасна, а ќе се поттикне и развојот на обновливите енеретски извори. Овој далекувод веќе се претставува како важен сегмент на идната електропреносна мрежа која ќе ја поврзува територијата на цела Европа.