Сараевски пентхаус: Приватен готвач, батлер и библиотека за 170 долари на ден

Од неодамна ова е најлуксузното сместување кое може да се најде во Сараево. Се работи за апартман од 200 квадратни метри кој содржи три спални, опкружен е со паркови и оддалечен од центарот на само неколку минути пеш. Апартманот е уреден со слики од познати уметници од БиХ, а гламурозниот дневен престој нуди работна соба, библиотека, кујна и две бањи. За цена од 170 УСД на ден, понудата опфаќа и готвач, батлер и приватен туристички водич.
Сепак, и покрај сите привлечни детали, домаќинот не сака гостите да имаат деца помали од две години, ниту да ги угости нивните домашни миленици.