САД и Кина со нови цели за емисијата на штетни гасови

Американскиот претседател Барак Обама и неговиот кинески колега Кси Џинпинг изјавија дека двете земји сериозно ќе ги намалат штетни гасови со ефект на стаклена градина во следните две децении, јави ТАСС.

Обама изјави дека до 2025 година САД ќе ги намалат емисиите за 26-28 проценти од нивото од 2005 година.

Кси изјави дека до 2030 година Кина може да запре со зголемување на емисиите и да премине кон нефосилни горива, од кои ќе произведува една петина од неопходната енергија.