Ретроспектива на Рајнер во виенска „Албертина“

По повод 85 години од раѓањето на познатиот австриски уметник Арнулф Рајнер, во музејот „Албертина“ во Виена е отворена ретроспектива на неговите 120 клучни дела. Изложбата, пред сè, ја претставува надреалната серија наречена „Од земја на небо“, која ја реализирал со Каталонецот Жоан Миро, и која вклучува околу 100 слики, дела на хартија и предмети, а ги следи мислата и творечката креативност на овој уметник.