Рестриктивни мерки за намалување на загадувањето во Рим и Милано

Градските власти во Рим и Милано наложија повремена забрана на автомобилскиот сообраќај со цел да се изборат со загадувањето кое достигнува високи вредности. Рим веќе најави дека од идната недела секој понеделник и вторник ќе важи шестчасовна забрана за автомобили, додека Милано го воведува истото ограничување за секоја среда.

Освен сообраќајниот метеж во Рим, се посочува и греењето како една од причините за големото загадување. За таа цел, властите во Рим бараат термостатите во резиденцијалните и останатите објекти да бидат подесени на максимум 18 степени. Истовремено е скратен и периодот на испорака нa греење од 12 на 8 часови во текот на едно деноноќие, со исклучок на училиштата и болниците.

Инаку, во Рим и Милано концентрацијата на честичките PM10 е „само“ два до три пати над дозволената гранична вредност.