Ресторан на вода во Сао Паоло

Посетителите на Сао Паоло можат да пронајдат прекрасни архитектонски градби во овој град, а една од нив е и јапонскиот ресторан сместен на брег на езеро, во целосно природно опкружување.

Овој ресторан се наоѓа на Esporte Clube Pinheiros во Сао Паоло. Дело е на Mass Arquitetura и Norea De Vitto Interiors, а негова карактеристика е тоа што целосно е затворен со стакло. Се простира на околу 220 м2 на парцела од речиси 166.000 м2.

Целосната геометриска архитектура на ресторанот се огледува на езерската водна површина и така изгледа како да лебди над водата.

Овој објект е сочинет од кујнски простор, магацин, соблекувални за персоналот, главен ресторански простор и тоалети кои се опколени со палми.

Ентериерот се одликува со отворен и светол простор во кој се употребени неутрални бои.

За едноставноста во просторот придонесуваат и бетонскиот под и дрвениот мебел, што го прават овој простор целосно природен.