Рекордни приходи од патарина во Хрватска

Државните фирми АРЗ и ХАЦ за девет месеци во годината остварија рекордни приходи во наплата на патарини и заедно наплатиле дури 1,6 милијарди куни (280 милиони евра). Тоа е 92,44 милиони куни повеќе од истиот период лани. Најголеми удели во зголемување на приходите имаат автопатот Риека-Загреб, каде се остварени вкупно 370 милиони куни од наплата и автопатот Загреб-Сплит-Плоче (А1) каде се реализирани 491,7 милиони куни од наплата.