Реал Мадрид гради вештачки остров за една милијарда долари

Фудбалскиот клуб Реал Мадрид ќе потроши една милијарда долари за да се изгради луксузен остров во Обединетите Арапски Емирати, кој ќе вклучува луксузен хотел, пристаниште и забавен парк.

Менаџерите ги откриле плановите за „Островот на Реал Мадрид“, во кој ќе се наоѓа и hi-tech  музеј посветен на фудбалскиот клуб.

„Планот е oстровот да биде голем туристички и спортски центар за туристи од највисок профил“, изјави Флорентино Перез , претседателот на клубот.

Комплексот во кој ќе се инвестира една милијарда долари, и е поддржан од страна на владата на ОАЕ, се планира да биде отворен во 2015 година.

Во рамките на комплексот ќе се наоѓа хотел со пет ѕвезди, бунгалови на плажа и забавен парк со холограмски шоу на кој ќе се претставуваат разни изведби поврзаи со историјата и иднината на Реал Мадрид.

Спортските содржини ќе вклучуваат терени за тренинг и базени, како и марини за приватни јахти и стадион со 10.000 седишта, кој од едната страна ќе има отворен поглед на морето.